Tennıs: Pýtıntseva Maıamı týrnıriniń ekinshi aınalymyna shyqty

K.Flıpkens dúnıejúzilik reıtıngte 56-orynda turǵanymen, 33 jastaǵy tisqaqqan, tájirıbeli oıynshy.

Belgııalyq tennısshi birinshi partııany 6:4 esebimen aıaqtaı aldy.

Esesine, ekinshi sette bıyl 24-ke tolǵan qazaqstandyq sportshy birden breık jasap, 2:0 esebimen alǵa shyqty.Osy basymdyqty aıaǵyna deıin ustaı bildi - 6:4.

Úshinshi, sheshýshi partııada esep 1:1 bolǵan mezette ıÝ.Pýtıntseva taǵy bir breık jasady - 2:1. Áıtse de qarsylasy qaıyra breık jasap ketti - 2:2. Esep 3:3 bolǵanda, qazaqstandyq sportshy birneshe breık-poıntty paıdalana almady. Kerisinshe, belgııalyq tennısshi kelesi geımde sondaı múmkindikteriniń birin múlt jibergen joq - 5:3. Degenmen ıÝlııa qarsylasy matchqa dop bergende, qaısarlyq tanytyp, breık jasaı bildi - 4:5.Óz geımin alǵannan keıin taǵy bir breıkke qol jetkizdi - 6:5. Aqyry birinshi match bolmen támamdady - 7:5.

Asa tartysty match 3saǵattan astam ýaqytqa sozyldy.

ıÝ.Pýtıntseva júlde qory 9 mln AQSh dollarynan asatyn Maıamı týrnıriniń ekinshi aınalymynda álemniń 20-raketkasy, shveıtsarııalyq Belında Benchıchpen kortqa shyǵady.

Ótken jylǵy Maıamı týrnırinde Zarına Dııas tórtinshi aınalymǵa deıin jetse, ıÝ.Pýtıntseva bastapqy kezdesýinde-aq jeńilip qalǵan edi. Bıyl Z.Dııas irikteý saıystarynda súrinip, negizgi týrnırden tys qaldy.

Erler arasynda Qazaqstannyń birinshi, álemniń 43-raketkasy Mıhaıl Kýkýshkın alǵashqy aınalymda argentınalyq, reıtıngte 80-oryndaǵy Gvıdo Andreotstsımen kezdesti.

Tartysty órbigen birinshi partııa taı-breıkke ulasty. Munda argentınalyq tennısshi basym boldy - 7:3.

Ekinshi sette de G.Andreotstsı 6:4 esebimen jeńiske jetti.

Osylaısha M.Kýkýshkın ekinshi aınalymǵa shyǵa almady.

Eske sala keteıik,budan buryn Mıhaıl Kýkýshkınniń AQSh-taǵy Fınıks týrnıriniń fınalynda ese jibergenin, al A.Býblıktiń Maıamıde irikteý saıysyn sátti bastap, negizgi jarysqa joldama alǵanyn jazǵan bolatynbyz.