Tennıs: Pýtıntseva Maıamı týrnırinde utylyp qaldy
ASTANA. QazAqparat - Qazaqstandyq ıÝlııa Pýtıntseva Maıamı (AQSh) týrnıriniń ekinshi aınalymyna óte almady, dep habarlaıdy QazAqparat tilshisi.
Álemniń 75-inshi raketkasy ıÝ.Pýtıntseva reıtıngte ózinen bes saty joǵary turǵan rýmynııalyq MonıkaNıkýleskýmen kezdesti. 1 saǵat 29 mınýtqa sozylǵan matchta M.Nıkýleský 6:2, 6:4 esebimen jeńiske jetti.
Rýmynııalyq sportshy ekinshi aınalymda álemniń 18-inshi raketkasy, slovakııalyq Magdalena Rybarıkovamen kortqa shyǵady.
Bıyl Taıbeı týrnırinde M.Nıkýleský Zarına Dııasty da 6:0, 1:6, 6:4 esebimen utqan bolatyn.
Eske sala keteıik, Qazaqstannyń birinshi raketkasy Zarına Dııastyń júlde qory 8,6 mln AQSh dollarynan asatyn Maıamı týrnırin sátti bastaǵanyn jazǵan bolatynbyz.
