Tennıs: Pýtıntseva Máskeý týrnıriniń ekinshi aınalymyna shyqty
ASTANA. QazAqparat - Qazaqstannyń - birinshi, álemniń 48-inshi raketkasy ıÝlııa Pýtıntseva Máskeýde ótip jatqan «Kreml kýbogy» týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq sportshy bastapqy kezdesýinde dúnıejúzilik reıtıngte 53-inshi orynda turǵan rýmynııalyq Irına Begýmen kezdesti.
ıÝ.Pýtıntseva birinshi partııany 6:2 esebimen utsa, ekinshisinde qarsylasyn 6:0 esebimen talqandady. Ol 11 breık-poınttyń altaýyn paıdalana bildi.
Match 1 saǵat 9 mınýtqa sozyldy.
«Kreml kýbogy» týrnıriniń shırek fınalyna shyǵý úshin ıÝ.Pýtıntseva osy jarystyń besinshi raketkasy bolyp tirkelgen, reıtıngte 11-inshi orynda turǵan latvııalyq Anastasııa Sevastovamen kúsh synasady.
Júlde qory 932 866 AQSh dollaryn quraıtyn týrnır 20 qazan kúni márege jetedi. Ótken jyly Máskeýde fınalda reseılik Darıa Kasatkınany 6:1, 6:2 esebimen tize búktirgen germanııalyq ıÝlııa Gerges jeńimpaz atanǵan bolatyn. Bıyl saıysqa álemniń 1-inshi raketkasy, rýmynııalyq Sımona Halep bastaǵan tennısshiler qatysýda.
Aıta keteıik, erler arasyndaǵy Máskeý týrnıriniń alǵashqy aınalymynda Qazaqstannyń - birinshi, álemniń 73-inshi raketkasy Mıhaıl Kýkýshkın reseılik, reıtıngte 105-inshi satyda turǵan Evgenıı Donskoımen sheberlik baıqasady.
