Tennıs: Pýtıntseva Madrıd týrnıriniń úshinshi aınalymyna shyqty
NUR-SULTAN. QazAqparat - Qazaqstannyń birinshi, álemniń 43-raketkasy ıÝlııa Pýtıntseva Madrıd týrnıriniń ekinshi aınalymynda frantsııalyq Polın Parmantemen synǵa tústi, dep habarlaıdy QazAqparat tilshisi.
Matchty sátti bastaǵan qazaqstandyq tennısshi birinshi sette 6:4 esebimen jeńiske jetti.
Ekinshi partııada reıtıngte 69-orynda turǵan, birinshi aınalymda álemniń 6-raketkasy, ýkraınalyq Elına Svıtolınany utqan P.Parmante dál sondaı eseppen ese qaıyrdy.
Úshinshi, sheshýshi sette esep 2:1 bolǵan mezette breık jasaǵan ıÝ.Pýtıntseva alǵa shyqty. Aqyry ol matchty taǵy bir breıkpen túıindedi - 6:3.
Tartysty báseke 2 saǵat 22 mınýtqa sozyldy.
Qazaqstandyq tennısshi shırek fınalǵa shyǵý úshin álemniń 9-raketkasy, aýstralııalyq Eshlı Bartı nemese reıtıngte 30-oryndaǵy amerıkalyq Danıel Roýz Kollınstiń bireýimen talasady.
Erler arasyndaǵy dál osy Madrıd týrnıri Qazaqstannyń birinshi, álemniń 40-raketkasy Mıhaıl Kýkýshkın úshin sátsiz boldy. Ol alǵashqy aınalymda-aq reıtıngte ózinen on saty tómen turǵan germanııalyq Fılıpp Kolshraıberden 2:6, 6:7 (5:7) esebimen utylyp, jarys jolynan shyǵyp qaldy.
Eske sala keteıik, budan buryn ıÝ.Pýtıntsevanyń Madrıd týrnırin jeńispen bastaǵanyn, al Zarına Dııastyń Japonııadaǵy jarystyń jeńimpazy atanyp, úzdik 100 tennısshiniń qataryna engenin jazǵan bolatynbyz.
Erler arasynda Dmıtrıı Popko AQSh-taǵy týrnırdiń jeńimpazy atandy. Al Andreı Golýbev pen Tımofeı Skatov Shymkenttegi týrnırdi sátti bastady.
