Tennıs: Pýtıntseva Istbýrnda ótetin negizgi týrnırge joldama aldy
ASTANA. QazAqparat - Qazaqstandyq ıÝlııa Pýtıntseva Istbýrnnyń (Ulybrıtanııa) negizgi týrnırine joldama aldy, dep habarlaıdy QazAqparat tilshisi.
Qazirgi kezde álemdik reıtıngte 57-inshi orynda turǵan ıÝ.Pýtıntseva irikteý saıystarynyń fınalynda amerıkalyq, álemniń 89-ynshy raketkasy Krıstına Makheıldi utty.
Bar-joǵy 1 saǵat 32 mınýtqa sozylǵan matchta ıÝlııa qarsylasyn 6:4, 6:4 esebimen tize búktirdi.
Pýtıntseva Istbýrnnyń negizgi týrnırindegi birinshi kezdesýin horvatııalyq, álemniń 55-inshi raketkasy Donna Vekıchpen ótkizedi.
Istbýrn týrnıri 1 shilde kúni márege jetedi.
Aıta keteıik, «Rolan Garros» týrnırin tabysty ótkizgennen keıin Pýtıntseva reıtıngte 98-inshi satydan birden 56-ynshy orynǵa kóterilgen bolatyn. Degenmen bir aptadan keıin Qazaqstannyń birinshi raketkasy Zarına Dııas 45-inshi satydan 51-ge, ıÝlııa bir orynǵa keıinge syrǵyǵan edi. Bul kezeńde Z.Dııas Nottıngem týrnıriniń Samanta Stosýrmen ótken alǵashqy matchynda, ókinishke qaraı, jaraqat alyp qalsa, Pýtıntseva eshqandaı jarysqa qatysqan joq. Endi ol Istbýrnda sátti óner kórsetse, reıtıngisin joǵarylata alady.
