Tennıs: Pýtıntseva Istbýrn týrnıriniń ekinshi aınalymyna shyqty
NUR-SULTAN. QazAqparat - Qazaqstannyń birinshi, álemniń 39-raketkasy ıÝlııa Pýtıntseva Istbýrn (Ulybrıtanııa) týrnıriniń ekinshi aınalymyna shyqty, dep habarlaıdy QazAqparat tilshisi.
ıÝ.Pýtıntseva bastapqy kezdesýin álemniń 34-raketkasy, amerıkalyq Danıel Kollınzben ótkizdi.
Birinshi sette qazaqstandyq tennısshi 5:0 esebimen jeńip jatqan mezgilde amerıkalyq sportshy matchty jalǵastyrýdan bas tartty.
ıÝ.Pýtıntseva júlde qory 1 mln AQSh dollaryna jýyqtaıtyn jarystyń ekinshi aınalymynda álemniń 4-raketkasy, Nıderlandy eliniń ókili Kıkı Bertenspen kortqa shyǵady.
Erler arasyndaǵy Istbýrn týrnırinde Qazaqstannyń birinshi, álemniń 47-raketkasy Mıhaıl Kýkýshkın baq synady. Áıtse de ol alǵashqy kezdesýinde-aq reıtıngte 79-oryndaǵy amerıkalyq Sem Kýerrıden 3:6, 6:7 (4:7) esebimen jeńilis taýyp, jarys jolynan shyǵyp qaldy.
Eske sala keteıik, budan buryn qazaqstandyqtardyń Istbýrn týrnırindegi qarsylastary belgili bolǵanyn, ıÝlııa Pýtıntsevanyń reıtıngte úzdik 40 tennısshiniń qataryna qaıta engenin jazǵan bolatynbyz.
