Tennıs: Pýtıntseva Istbýrn týrnıriniń alǵashqy aınalymynan asa almady
ASTANA. QazAqparat - Qazaqstandyq ıÝlııa Pýtıntseva Istbýrn (Ulybrıtanııa) týrnıriniń birinshi aınalymynda horvatııalyq Donna Vekıchpen kúsh synasty, dep habarlaıdy QazAqparat tilshisi.
Bıyl 23-ke tolǵan qazaqstandyq tennısshi qazirgi tańda álemdik reıtıngte 57-inshi orynda tursa, 1996 jylǵy D.Vekıch odan eki saty ǵana joǵaryda keledi. Sheberlik deńgeıleri shamalas deýge bolady.
Barynsha tartysty ótken matchta birinshi partııada Donna Vekıch basymdylyq tanytty - 7:5.
Ekinshi sette birden breık jasaǵan horvatııalyq tennısshi 2:0 esebimen alǵa shyqty. Degenmen ıÝlııa qaıyra breık jasap, tarazy basyn teńestirdi. Alaıda ózi dop bergende, múmkindigin paıdalana almady - 2:3. Aqyry bul partııada da horvatııalyq tennısshi 6:3 esebimen jeńiske jetti.
Kezdesý 1 saǵat 47 mınýtqa sozyldy.
D.Vekıch ekinshi aınalymda álemniń 24-inshi raketkasy, chehııalyq Barbora Strytsovamen sheberlik baıqasady.
Álemniń ekinshi raketkasy, danııalyq Karolına Voznıatskı sekildi myqty tennısshiler qatysyp jatqan Istbýrn týrnıriniń júlde qory 753 900 AQSh dollaryna baǵalanyp otyr.
Búgin sondaı-aq Túrkııada erler arasynda Antalııa týrnıriniń irikteý saıystary márege jetti. Qazaqstandyq, álemniń 275-inshi raketkasy Aleksandr Nedovesov reıtıngte 155-inshi orynda turǵan slovenııalyq Blaj Kavchıchpen ótken tartysty básekede 6:3, 3:6, 3:6 esebimen ese jiberdi. Sóıtip negizgi týrnırge shyǵa almady.
Eske sala keteıik, keshe ıÝ.Pýtıntsevanyń irikteý saıystaryn sátti ótkizip, negizgi týrnırge joldama alǵanyn jazǵan bolatynbyz.
