Tennıs: Pýtıntseva Indıan-Ýells týrnırin jeńispen bastady
ASTANA. QazAqparat - Qazaqstannyń birinshi, álemniń 47-raketkasy ıÝlııa Pýtıntseva Indıan-Ýells (AQSh) týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda vengrııalyq, dúnıejúzilik reıtıngte 102-orynda turǵan Tımeıa Baboshpen kúsh synasty.
ıÝ.Pýtıntseva qarsylasyn eki partııada 6:1, 6:3 esebimen tize búktirdi. Ol match barysynda alty breık, úsh eıske qol jetkizdi. Vengrııalyq sportshy eki márte breık jasaı aldy.
Qazaqstandyq tennısshiniń basymdylyǵymen ótken báseke 1 saǵat 23 mınýtqa sozyldy.
ıÝ.Pýtıntseva ekinshi aınalymda álemniń 8-raketkasy, germanııalyq Anjelıka Kerbermen sheberlik baıqasady.
Jarysqa irikteý saıystary arqyly qosylǵan taǵy bir qazaqstandyq tennısshi, álemniń 94-raketkasy Zarına Dııas birinshi aınalymda reıtıngte ózinen bir saty joǵary turǵan, týrnırge lakı lýzer retinde arnaıy shaqyrtý alǵan amerıkalyq Djessıka Pegýlamen kezdesedi.
Júlde qory 8,4 mln AQSh dollaryna jýyqtaıtyn Indıan-Ýells týrnıri 17 naýryzda márege jetip, jeńimpaz anyqtalady.
Erler arasyndaǵy osy jarysta Qazaqstannyń birinshi, álemniń 43-raketkasy Mıhaıl Kýkýshkın irikteý saıysy jeńimpazdarynyń biri, reıtıngte 113-satyda turǵan serbııalyq Fılıp Kraıınovıchpen kortqa shyǵady.
Eske sala keteıik, budan buryn Zarına Dııastyń Indıan-Ýells týrnıriniń irikteý saıysyn sátti bastap, negizgi jarysqa joldama alǵanyn jazǵan bolatynbyz.
Al Frantsııadaǵy týrnırdiń jeńimpazy atanǵan Aleksandr Býblık reıtınte birden 19 satyǵa joǵarylady.
