Tennıs: Pýtıntseva Hırosıma týrnıriniń ekinshi aınalymyna shyǵa almady
ASTANA. QazAqparat - Japonııanyń Hırosıma qalasynda ótip jatqan halyqaralyq týrnırdiń birinshi aınalymynda qazaqstandyq ıÝlııa Pýtıntseva slovakııalyq Anna Shmıdlovamen kezdesti, dep habarlaıdy QazAqparat tilshisi.
Júlde qory 250 myń AQSh dollaryn quraıtyn atalmysh jarysta ıÝ.Pýtıntseva úshinshi raketka bolyp tirkelgen edi.
Birinshi partııada álemdik reıtıngte 83-inshi satyda turǵan Slovakııa ókili 6:2 esebimen basym tústi. Sodan keıin arqasyn aýyrsynǵan qazaqstandyq tennısshi básekeni jalǵastyrýdan bas tartty.
Kezdesý 46 mınýtqa sozyldy.
A.Shmıdlova shırek fınalǵa shyǵý úshin shveıtsarııalyq Vıktorııa Golýbıchpen talasady.
Taǵy bir qazaqstandyq, osy týrnırdiń altynshy raketkasy Zarına Dııas betashar matchyn dúnıejúzilik reıtıngte 86-orynda kele jatqan ıspanııalyq Sara Sorrıbes-Tormomen ótkizedi.
Ótken jyly Zarına Tokıo týrnıriniń jeńimpazy atanǵan bolatyn.
Aıta keteıik, qazaqstandyq qos tennısshi jeksenbi kúni márege jetken AQSh-tyń ashyq chempıonatynyń alǵashqy aınalymynan asa almaǵan edi. Sonyń saldarynan búgin jańartylǵan reıtıngte ıÝ.Pýtıntseva 50-den 55-inshi, Z.Dııas 60-tan 65-inshi satyǵa tómendedi.
US Open týrnırinde jıyrma jasar japonııalyq Naomı Osaka fınalda ataqty amerıkalyq tennısshi Serena Ýılıamsty utyp, óz eliniń tarıhynda tuńǵysh ret osyndaı jarystyń jeńimpazy atandy. Sonyń nátıjesinde N.Osaka reıtıngte 7-inshi orynǵa kóterildi.
Erler arasyndaǵy jekeleı synda fınalda argentınalyq Hýan-Martın del Potrony jeńgen serbııalyq Novak Djokovıch chempıon atanyp, álemdik reıtıngte úzdik úshtiktiń qataryna endi.
