Tennıs: Pýtıntseva Gýanchjoý týrnırin sátti bastady
ASTANA. QazAqparat - Qazaqstannyń birinshi, álemniń 61-inshi raketkasy ıÝlııa Pýtıntseva Qytaıda ótip jatqan Gýanchjoý týrnırin sátti bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 87-inshi orynda turǵan ıspanııalyq Sara Sorrıbes-Tormomen kúsh synasty.
ıÝ.Pýtıntseva eki partııada da qarsylasyn bet qaratpaı, 6:1, 6:1 esebimen utty. Ol match barysynda alty birdeı breıkke qol jetkizdi.
Kezdesý 1 saǵat 8 mınýtqa sozyldy.
ıÝlııa Pýtıntseva ekinshi aınalymda Germanııa eliniń ókili, álemniń 227-inshi raketkasy Sabına Lısıtskımen kezdesedi. Ol reseılik Vera Zvonarevany 6:4, 6:2 esebimen tize búktirdi.
Júlde qory 250 myń AQSh dollary bolatyn Gýanchjoý týrnıri 22 qyrkúıek kúni márege jetedi.
Eske sala keteıik, budan buryn taǵy bir qazaqstandyq tennısshi, búgin jańartylǵan reıtıngte 65-ten 94-inshi orynǵa syrǵyp ketken Zarına Dııastyń irikteý saıystarynan sátti ótip, Tokıonyń negizgi týrnırine joldama alǵanyn jazǵan bolatynbyz. Ol alǵashqy aınalymda júlde qory 1 mln AQSh dollaryn quraıtyn osy týrnırdiń 8-inshi raketkasy bolyp tirkelgen, reıtıngte 25-inshi satyda turǵan chehııalyq Barbora Strytsovamen kortqa shyǵady..
