Tennıs: Pýtıntseva Gambýrg týrnırinde jeńilip qaldy
NUR-SULTAN. QazAqparat – Qazaqstandyq, álemniń 43-raketkasy ıÝlııa Pýtıntseva Gambýrg (Germanııa) WTA týrnıriniń shırek fınalyna shyǵa almady, dep habarlaıdy QazAqparat tilshisi.
Osy dodanyń 2-raketkasy bolyp tirkelgen ıÝ.Pýtıntseva jarysty ekinshi aınalymnan bastap, reıtıngte 130-orynda turǵan germanııalyq Andrea Petkovıchpen kezdesti.
Birinshi partııada qos birdeı breıkke qol jetkizgen kort ıesi basymdylyq kórsetti – 6:2.
Esesine ekinshi sette qazaqstandyq tennısshi úsh breık jasady – 6:1.
Úshinshi, sheshýshi partııada áýeli germanııalyq sportshy 2:0 esebimen alǵa shyqqanymen, ıÝ.Pýtıntseva tarazy basyn teńestire aldy. Esep 3:3 bolǵannan keıin qarsylastar breıkpen almasty. Budan keıin taǵy bir breık jasaǵan germanııalyq tennısshi matchqa dop bergende, óz múmkindigin jibergen joq – 6:4.
Tartysty báseke 2 saǵat 15 mınýtqa sozyldy.
A.Petkovıch jartylaı fınalǵa shyǵý úshin reıtıngte 128-satydaǵy belgııalyq Isalın Bonavantıýrmen talasady. Ol ekinshi aınalymda álemniń 74-raketkasy, amerıkalyq Bernarda Perany 3:6, 6:3, 6:4 esebimen tize búktirdi.
Eske sala keteıik, budan buryn qazaqstandyq jas tennısshiniń elordada halyqaralyq týrnırdiń shırek fınalyna shyqqanyn jazǵan bolatynbyz.
Sondaı-aq qazaqstandyq taǵy bir tennısshi Italııadaǵy týrnırdiń shırek fınalyna ótti.
