Tennıs: Pýtıntseva Dýbaı týrnıriniń ekinshi aınalymyna shyǵa almady
ASTANA. QazAqparat - Qazaqstannyń birinshi raketkasy ıÝlııa Pýtıntseva Dýbaı týrnıriniń alǵashqy aınalymynda ýkraınalyq Lesıa Tsýrenkomen kúsh synasty, dep habarlaıdy QazAqparat tilshisi.
Qazaqstandyq tennısshi álemdik reıtıngte 43-orynda bolsa, qarsylasy odan edáýir joǵary, 24-satyda turǵan edi.
Birinshi partııada L.Tsýrenko breık jasap, alǵa ketti. Esep 5:3 bolyp turǵan mezette ol taǵy bir breıkke qol jetkizip, setti aıaqtady - 6:3.
Budan keıin ıÝ.Pýtıntseva medıtsınalyq kómekke júgindi. Aqyry ol ekinshi partııada esep 0:2 bolǵan mezette matchty jalǵastyrýdan bas tartty.
Báseke bir saǵattaı ýaqytqa sozyldy.
L.Tsýrenko ekinshi aınalymda álemniń 21-raketkasy, senbi kúni márege jetken Doha týrnıriniń jeńimpazy, belgııalyq Elıza Mertens nemese qytaılyq, reıtıngte 108-satydaǵy Lın Chjýdiń birimen sheberlik baıqasady.
Osy jarysta álemniń 96-raketkasy Zarına Dııas alǵashqy matchyn reıtıngte ózinen on saty joǵary turǵan, slovenııalyq Dalıla ıAkýpovıchpen ótkizedi.
Taǵy bir qazaqstandyq, reıtıngte 196-oryndaǵy Elena Rybakına Býdapesht týrnıriniń irikteý saıysynda búgin álemniń 133-raketkasy, belgııalyq Isalın Bonavantıýrge 2:6, 6:3, 2:6 esebimen ese jiberdi.
Eske sala keteıik, budan buryn qazaqstandyq tennısshilerdiń Dýbaı týrnırindegi qarsylastary anyqtalǵanyn jazǵan bolatynbyz.
Júlde qory 2,5 mln astam AQSh dollaryna baǵalanǵan aıtýly dodaǵa álemniń 1 jáne 2-raketkalary, japonııalyq Naomı Osaka, chehııalyq Petra Kvıtova bastaǵan myqty tennısshiler qatysyp, baq synaıdy. Olardyń arasynda 2018 jylǵy osy týrnırdiń jeńimpazy, ýkraınalyq, álemniń 7-raketkasy Elına Svıtolına da bar.
Al erler arasynda Qazaqstannyń birinshi, álemniń 53-raketkasy Mıhaıl Kýkýshkın Marsel (Frantsııa) týrnıriniń bastapqy aınalymynda reıtıngte ózinen on saty tómen turǵan amerıkalyq Denıs Kýdlamen kortqa shyǵady.
