Tennıs: Pýtıntseva da Beıjińniń negizgi týrnırine joldama aldy
ASTANA. QazAqparat - Qazaqstannyń birinshi, álemniń 45-inshi raketkasy ıÝlııa Pýtıntseva Beıjiń týrnırindegi irikteý saıysynyń fınalynda amerıkalyq Krıstına Makheılmen kúsh synasty, dep habarlaıdy QazAqparat tilshisi.
Amerıkalyq tennısshiniń reıtıngte 111-inshi orynda turǵanyna qaramastan, match tartysty órbidi.
Birinshi partııada K.Makheıl 5:3 esebimen alǵa shyǵyp, setke dop berdi. Mine, osy sátte ıÝ.Pýtıntseva breık jasaı bildi. Aqyry tarazy basy teńesip, set máselesi taı-breıkte sheshildi. Munda qazaqstandyq tennısshi basymdylyq kórsetti - 8:6.
Ekinshi partııada ıÝ.Pýtıntseva qarqyndy údetip, 5:2 esebimen alǵa ketti. Esep 5:3 bolǵan mezette ol matchqa dop berdi. Biraq matchboldaryn paıdalana almaı, qarsylasynyń breık jasaýyna múmkindik berip qoıdy. Degenmen ózi qaıta breık jasap, básekeni jeńispen aıaqtady - 6:4.
Kezdesý 2 saǵat 21 mınýtqa sozyldy.
Osylaısha Z.Dııastan keıin irikteý saıystarynan ótken ıÝ.Pýtıntseva da Beıjińniń negizgi týrnırine joldama aldy. Zarına Dııas Beıjiń týrnıriniń alǵashqy aınalymynda álemniń 8-inshi raketkasy, bıylǵy US Open týrnıriniń jeńimpazy, Japonııa eliniń jaryq juldyzy Naomı Osakamen, al ıÝ.Pýtıntseva reıtıngte 22-inshi oryndaǵy ıspanııalyq Karla Sýares-Navarromen kortqa shyǵady.
Eske sala keteıik, budan buryn Z.Dııastyń Beıjińniń negizgi týrnırine joldama alǵanyn jazǵan bolatynbyz.
