Tennıs: Pýtıntseva da Aýstralııa chempıonatynyń ekinshi aınalymyna shyqty
NUR-SULTAN. QazAqparat – Qazaqstandyq ıÝlııa Pýtıntseva Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.
Dúnıejúzilik reıtıngte 38-orynda turǵan ıÝ.Pýtıntseva bastapqy kezdesýin álemniń 37-raketkasy, taıbeılik Se Shýveımen ótkizdi.
ıÝlııa jýyrda 25-ke tolsa, tájirıbeli qarsylasy 33 jasta edi.
Machty qarqyndy bastaǵan qazaqstandyq tennısshi birden 3:0 esebimen alǵa ketti. Budan keıin qarsylasy bir breık jasaǵanymen, ıÝlııa odan árige jol bergen joq – 6:1.
Ekinshi set tartystylaý órbigenimen, ıÝ.Pýtıntseva basymdylyǵyn joǵaltpaı, matchty taǵy bir breıkpen túıindedi – 6:3.
Báseke 1 saǵat 19 mınýtqa sozyldy.
ıÝ.Pýtıntseva ekinshi aınalymda álemniń 25-raketkasy, amerıkalyq Danıel Kollınzben nemese reıtıngte 89-satydaǵy reseılik Vıtalııa Dıachenkonyń bireýimen kezdesedi. Bıyl Aýstralııadaǵy Brısben dodasynda ıÝ.Pýtıntseva dál osy D.Kollınzge ese jiberip, shırek fınalǵa shyǵa almaǵan bolatyn.
Osylaısha Aýstralııa ashyq chempıonatynda jekeleı synda Qazaqstannan erlerden eshkim qalmasa, qyzdar túgeldeı ekinshi aınalymǵa ótti.
Qazaqstannyń birinshi, álemniń 26-raketkasy Elena Rybakınanyń kelesi qarsylasy – reıtıngte 119-satydaǵy belgııalyq Grete Mınnen. Іrikteý saıystarynan keıin negizgi dodaǵa qosylǵan ol búgin Belarýs ókili Aleksandra Sasnovıchti tize búktirdi. Eger E.Rybakına G.Mınnendi utsa, onda úshinshi aınalymda álemniń 1-raketkasy, aýstralııalyq Eshlı Bartımen oınaýy ábden yqtımal.
Eske sala keteıik, budan buryn E.Rybakınanyń Aýstralııa ashyq chempıonatynyń ekinshi aınalymyna shyqqanyn, al Mıhaıl Kýkýshkın men Aleksandr Býblıktiń jeńilip qalǵanyn jazǵan bolatynbyz.
Keıin Zarına Dııas Aýstralııa birinshiligin jeńispen bastady.
