Tennıs: Pýtıntseva Tsıntsınnatı jarysynyń úshinshi aınalymyna shyǵa almady
NUR-SULTAN. QazAqparat – Qazaqstandyq ıÝlııa Pýtıntseva Nıý-Iorkta ótip jatqan Tsıntsınnatı WTA týrnıriniń úshinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngte 33-orynda turǵan ıÝ.Pýtıntseva ekinshi kezdesýin álemniń 21-inshi, osy dodanyń 13-raketkasy, grekııalyq Marııa Sakkarımen ótkizdi.
Qarsylastardyń ekeýi de bir jyldyń tóli, 25 jasta.
Birinshi partııada esep 5:4 bolǵan mezette grekııalyq sportshy breık jasap, setti óz paıdasyna sheshti – 6:4.
Ekinshi sette de M.Sakkarı breıkpen alǵa shyqty – 3:1. Degenmen qazaqstandyq tennısshi qaıyra breık jasap, óz geımin de jibermeı, tarazy basyn teńestire aldy – 3:3. Aqyry másele taı-breıkte sheshildi. Onda bastapqyda ıÝlııa 3:0-men alǵa shyqqanymen, Marııa esepti teńestirdi. Sosyn esep 6:5 bolǵanda, matchbolyn paıdalana almady. Qazaqstandyq tennısshi de setbolyn múlt jiberdi. Budan keıin grekııalyq sportshy matchty sátti támamdaı aldy – 7:6 (11:9).
Tartysty báseke 1 saǵat 44 mınýtqa sozyldy.
M.Sakkarı júlde qory 2,2 mln AQSh dollarynan asatyn jarystyń shırek fınalyna shyǵý úshin álemniń burynǵy birinshi, qazirgi 9-raketkasy, amerıkalyq Serena Ýılıams nemese Nıderlandy ókili Arancha Rýstyń bireýimen talasady.
Eske sala keteıik, budan buryn ıÝ.Pýtıntsevanyń Tsıntsınnatı jarysyn jeńispen bastaǵanyn jazǵan bolatynbyz.
