Tennıs: Pýtıntseva Tsıntsınnatı jarysyn jeńispen bastady
NUR-SULTAN. QazAqparat – Qazaqstandyq ıÝlııa Pýtıntseva Tsıntsınnatı (AQSh) týrnırin jeńispen bastady, dep habarlaıdy QazAqparat tilshisi.
Álemniń 33-raketkasy ıÝ.Pýtıntseva alǵashqy aınalymda reıtıngte ózinen úsh saty tómen turǵan qytaılyq Chjan Shýaımen kezdesti.
Birinshi partııada qazaqstandyq tennısshi basymdylyǵyn kórsete bildi – 6:4.
Ekinshi sette esep 1:1 bolǵan mezette ıÝ.Pýtıntseva breıkpen alǵa shyqqanymen, qarsylasy da qalyspaı, tarazy basyn qaıta teńestirdi – 2:2. Taǵy bir breıkten keıin qazaqstandyq tennısshi óz geımin de aldy – 4:2. ıÝ.Pýtıntseva matchty taǵy bir breıkpen túıindedi – 6:3.
Birshama tartysty ótken báseke 1 saǵat 40 mınýtqa sozyldy.
ıÝlııa ekinshi aınalymda álemniń 21-inshi, osy dodanyń 13-raketkasy, grekııalyq Marııa Sakkarımen sheberlik baıqasady. M.Sakkarı birinshi matchynda amerıkalyq 16 jastaǵy jas talant Korı Gaýfty 6:1, 6:3 esebimen ońaı utty.
Eske sala keteıik, budan buryn Tsıntsınnatı týrnırinde Aleksandr Býblıktiń de jarys jolynan shyǵyp qalǵanyn jazǵan bolatynbyz.
