Tennıs: Pýtıntseva Tsıntsınnatı týrnırin jeńispen bastady
NUR-SULTAN. QazAqparat – Qazaqstandyq ıÝlııa Pýtıntseva Tsıntsınnatı WTA 1000 týrnırin jeńispen bastady, dep habarlaıdy QazAqparat tilshisi.
Álemniń 36-raketkasy ıÝ.Pýtıntseva birinshi aınalymda dúnıejúzilik reıtıngte 51-orynda turǵan qytaılyq Chjan Shýaımen kezdesti.
Nebári 46 mınýtqa sozylǵan matchta qazaqstandyq tennısshi aıqyn basymdylyq kórsetip, 6:2, 6:0 esebimen jeńiske jetti. Ol báseke barysynda 2 eıs jasap, 6 breık-poınttyń beseýin paıdalandy. Qarsylasy 1 eıspen ǵana shektelip, breık jasaı alǵan joq.
Bul sportshylardyń ózara kezdesýlerindegi esep teńesti – 2:2.
ıÝ.Pýtıntseva ekinshi aınalymda álemniń 6-raketkasy, chehııalyq Karolına Plıshkovamen sheberlik baıqasady. K.Plıshkova osynyń aldynda Kanadada ótken Monreal týrnıriniń fınalyna deıin jetip, sońǵy básekede ıtalııalyq Kamıla Djordjıge 3:6, 5:7 esebimen ese jibergen bolatyn.
Qazaqstannyń birinshi, álemniń 19-raketkasy Elena Rybakına alǵashqy aınalymda reıtıngte 186-satydaǵy aýstralııalyq Samanta Stosýrmen kortqa shyǵady. Elena tájirıbeli qarsylasyn Tokıo Olımpıadasynda utqan bolatyn.
Júlde qory 2,1 mln AQSh dollarynan asatyn Tsıntsınnatı dodasy 22 tamyzda márege jetedi.
Eske sala keteıik, budan buryn qazaqstandyq tennısshilerdiń álemdik reıtıngide joǵary kóterilgenin jazǵan bolatynbyz.
