Tennıs: Pýtıntseva Brısbende irikteý saıystarynyń fınalyna shyqty
NUR-SULTAN. QazAqparat – Qazaqstannnyń birinshi, álemniń 34-raketkasy ıÝlııa Pýtıntseva Brısbende (Aýstralııa) irikteý saıystarynyń fınalyna shyqty, dep habarlaıdy QazAqparat tilshisi.
Іrikteý saıystarynyń 1-raketkasy bolyp tirkelgen ıÝ.Pýtıntseva jartylaı fınalda reıtıngte 95-orynda turǵan amerıkalyq Medıson Brenglmen kezdesti.
Birinshi partııada amerıkalyq sportshy 3:0 esebimen alǵa shyqty. Qazaqstandyq tennısshi tarazy basyn birtindep teńestire aldy – 5:5. Alaıda sosyn óz geımine qosa setti de berip qoıdy – 5:7.
Esesine ekinshi sette ıÝ.Pýtıntseva 4:0 esebimen alǵa ketti. Qarsylasy qarap qalmaı, eki ret breık jasaǵanymen, odan árige shamasy jetpedi – 6:2.
Úshinshi, sheshýshi partııada qazaqstandyq tennısshi Brengldi bet qaratpaı utty – 6:1.
Barynsha tartysty ótken báseke 2 saǵat 15 mınýtqa sozyldy.
ıÝ.Pýtıntseva irikteý saıystarynyń fınalynda álemniń 92-raketkasy, burynǵy otandasy, reseılik Anastasııa Potapovamen kezdesedi. Ony jeńse, negizgi týrnırge joldama alady.
Júlde qory 1,5 mln AQSh dollaryna baǵalanǵan negizgi jarys erteń bastalady.
Eske sala keteıik, budan buryn ıÝlııa Pýtıntsevanyń Brısben jarysyn jeńispen bastaǵanyn, al Zarına Dııastyń Gonkong týrnıriniń chempıony atanǵanyn jazǵan bolatynbyz.
