Tennıs: Pýtıntseva Brısben týrnıriniń shırek fınalyna shyǵa almady
NUR-SULTAN. QazAqparat – Qazaqstannyń birinshi, álemniń 32-raketkasy ıÝlııa Pýtıntseva Brısben (Aýstralııa) WTA týrnıriniń shırek fınalyna shyǵa almady, dep habarlaıdy QazAqparat tilshisi.
Buǵan deıin álemniń 20-raketkasyn utqan qazaqstandyq tennısshi ekinshi aınalymda reıtıngte 27-orynda turǵan amerıkalyq Danıel Kollınzben kezdesti.
Bul joly ıÝ.Pýtıntseva qarsylasyna esh qaırat qyla almady. Sóıtip 1:6, 0:6 esebimen oısyraı jeńildi.
Báseke bir saǵatqa jýyq ýaqytqa sozyldy.
D.Kollınz júlde qory 1,5 AQSh dollaryna baǵalanǵan jarystyń jartylaı fınalyna shyǵý úshin kort ıesi Samanta Stosýr nemese álemniń 13-raketkasy, taǵy bir amerıkalyq Medıson Kızdiń bireýimen talasady.
Eske sala keteıik, budan buryn Mıhaıl Kýkýshkınniń Doha týrnıriniń ekinshi aınalymyna shyqqanyn jazǵan bolatynbyz.
