Tennıs: Pýtıntseva Beıjiń týrnıriniń alǵashqy aınalymynan asa almady
ORAL. QazAqparat - Qazaqstandyq ıÝlııa Pýtıntseva Beıjiń týrnıriniń alǵashqy aınalymynda ıspanııalyq Karla Sýares-Navarromen kezdesti, dep habarlaıdy QazAqparat tilshisi.
Búgin jańartylǵan dúnıejúzilik reıtıngte ıÝ.Pýtıntseva 45-ten 47-inshi orynǵa syrǵyp ketse, qarsylasy odan áldeqaıda joǵary, 22-inshi satyda turǵan-dy.
Birinshi partııa Sýares-Navarronyń aıqyn basymdylyǵymen aıaqtaldy - 6:1. Ol ekinshi sette de qarsylasyn bet qaratqan joq - 6:0.
Match 53 mınýtqa sozyldy.
Eske sala keteıik, budan buryn Zarına Dııas pen ıÝlııa Pýtıntsevanyń irikteý saıystarynan sátti ótip, Beıjińniń negizgi týrnırine joldama alǵanyn jazǵan bolatynbyz.
Júlde qory 8,2 mln AQSh dollarynan asatyn jarystyń alǵashqy aınalymynda Z.Dııas bıylǵy US Open týrnıriniń jeńimpazy, álemniń 6-ynshy raketkasy, japonııalyq Naomı Osakamen kortqa shyǵady. Bul - olardyń ekinshi kezdesýi. Bıylǵy «Rolan Garros» týrnıriniń ekinshi aınalymynda Z.Dııas N.Osakaǵa 4:6, 5:7 esebimen ese jibergen edi.
