Tennıs: Pýtıntseva «Aı jańalyǵy» atalymy boıynsha úzdik úshtikke ilikti
NUR-SULTAN. QazAqparat - Qazaqstandyq tennısshi ıÝlııa Pýtıntseva mamyr aıynyń qorytyndysy boıynsha «Aı jańalyǵy» atalymy boıynsha úzdik úshtikke ilikti, dep habarlaıdy QazAqparat tilshisi.
Áıelder tennıs qaýymdastyǵy (WTA) daýys berý qorytyndysyn jarııa etti.
Mamyr aıynda ıÝ.Pýtıntseva Nıýrnberg týrnıriniń jeńimpazy atanǵan bolatyn. Bul onyń sporttyq jolyndaǵy WTA jarystaryndaǵy alǵashqy tabysy edi. Sonyń nátıjesinde ol dúnıejúzilik reıtıngte 39-dan 28-orynǵa kóterildi. Sóıtip reıtıngtegi úzdik kórsetkishine (27) bir saty jetpeı qaldy.
Nıýrnberg jarysynan keıin ile-shala bastalǵan «Rolan Garros» týrnırinde ıÝ.Pýtıntseva, qalpyna kelip úlgere almady ma, alǵashqy kezdesýinde-aq utylyp qaldy. Ótken jyly osy týrnırdiń shırek fınalyna deıin jetken ıÝlııa úshin bul, árıne, sátsizdik.
Daýys berý qorytyndysynda álemniń 4-raketkasy, ótken aıda Madrıdte úzdik shyqqan Nıderlandy eliniń ókili Kıkı Bertens ekinshi orynǵa ıe boldy. Biraq ol bul atalym boıynsha ekinshi turǵanymen, aıdyń úzdik tennısshisi atana bildi.
Chehııalyq, 19 jasar Marketa Vondroýshova «Aı jańalyǵy» («Proryv mesıatsa») atalymynyń jeńimpazy atandy. Ol mamyr aıynda Rım týrnıriniń shırek fınalyna deıin ǵana jetti. Degenmen jankúıerlerdiń M.Vondroýshovany qalaýyna tennısshiniń «Rolan Garrosta» tabysty óner kórsetip jatqany áser etse kerek. Marketa Frantsııa ashyq chempıonatynyń jartylaı fınalynda Iohanna Kontamen kúsh synasady.
Eske sala keteıik, budan buryn qazaqstandyq Aleksandr Nedovesovtiń Almaty týrnıriniń shırek fınalyna shyqqanyn jazǵan bolatynbyz.
