Tennıs: Pýtıntseva Avstralııa chempıonatynyń úshinshi aınalymyna shyǵa almady
ASTANA. QazAqparat - Tennısten Avstralııa ashyq chempıonatynyń ekinshi aınalymynda Qazaqstannyń birinshi raketkasy ıÝlııa Pýtıntseva rýmynııalyq Ana Bogdanmen kúsh synasty, dep habarlaıdy «QazAqparat» tilshisi.
Dúnıejúzilik reıtıngte qazaqstandyq tennısshi 54-inshi, rýmynııalyq sportshy 104-inshi orynda turǵanymen, baıraqty básekede ekeýi de jeńis úshin baryn salyp baqty.
Birinshi partııada ıÝlııa qarsylasyn 6:1 esebimen oısyrata jeńgenimen, odan keıin sol qarqynynan aıyrylyp qaldy. Ekinshi partııada A.Bogdan 6:2 esebimen ese qaıyrdy.
Úshinshi, sheshýshi partııada esep 2:2 bolyp turǵan sátte rýmynııalyq tennısshi breık jasap, tarazy basyn ózine aýdardy. Sóıtip ol 6:3 esebimen jeńiske jetti. Bul báseke 2 saǵat 8 mınýtqa sozyldy.
Eske sala keteıik, osy «Úlken dýlyǵa» týrnıriniń birinshi aınalymynda Zarına Dııas taǵy bir rýmynııalyq tennısshi Sorana Kyrstıaǵa jol bergen bolatyn. Búgin sol S.Kyrstıa chehııalyq belgili tennısshi Lıýsı Shafarjovadan utyldy.
Erler arasynda Mıhaıl Kýkýshkın de birinshi aınalymnan asa almaı, atyn erte týarǵan edi.
Osylaısha, Avstralııa birinshiliginde Qazaqstannan jekeleı synda eshkim qalǵan joq.
