Tennıs: Pýtıntseva AQSh-tyń ashyq chempıonatyn jeńispen bastady
NUR-SULTAN. QazAqparat – Qazaqstandyq ıÝlııa Pýtıntseva US Open týrnıriniń ekinshi aınalymyna shyqty, dep habarlaıdy QazAqparat tilshisi.
Álemniń 35-raketkasy ıÝ.Pýtıntseva jarysqa arnaıy shaqyrtylǵan, reıtıngide 593-orynda turǵan amerıkalyq Robın Montgomerımen kezdesti.
Birinshi sette qazaqstandyq tennısshiniń basymdylyǵy aıqyn kórindi – 6:1.
Esesine ekinshi sette esep 1:1 bolǵan sátte amerıkalyq sportshy breık jasap, alǵa shyqty. Degenmen tarazy basyn qaıta teńestire alǵan ıÝlııa budan keıin qarsylasyna esh múmkindik qaldyrǵan joq – 6:3.
Báseke bir saǵattan sál astam ýaqytqa sozyldy.
ıÝ.Pýtıntseva ekinshi aınalymda reıtıngide 351-orynda turǵan, dodaǵa arnaıy shaqyrtýmen qosylǵan Belarýs ókili, 21 jastaǵy Vera Lapkomen kortqa shyǵady. Ol alǵashqy aınalymda álemniń 123-raketkasy, shveıtsarııalyq Vıktorııa Golýbıchti 1:6, 7:6 (7:2), 6:2 esebimen tize búktirdi.
Qazaqstandyqtardan jekeleı synda kortqa shyqpaǵan reıtıngide 69-orynda turǵan Zarına Dııas qana qaldy. Ol alǵashqy kezdesýin taǵy bir amerıkalyq, álemniń 61-raketkasy Bernarda Peramen ótkizedi.
Eske sala keteıik, budan buryn Mıhaıl Kýkýshkınniń AQSh-tyń ashyq chempıonatyn sátti bastaǵanyn, Elena Rybakınanyń ekinshi aınalymǵa shyqqanyn jazǵan bolatynbyz.
