Tennıs: Pýtıntseva AQSh-taǵy týrnırde baq synaıdy
NUR-SULTAN. QazAqparat – Qazaqstandyq tennısshi ıÝlııa Pýtıntseva AQSh-taǵy Leksıngton týrnırinde baq synaıdy, dep habarlaıdy QazAqparat tilshisi.
Qazirgi kezde irikteý saıystary ótip jatqan atalmysh WTA jarysynyń júlde qory 200 myń AQSh dollarynan asady.
Álemniń 33-raketkasy ıÝ.Pýtıntseva alǵashqy aınalymda reıtıngte 56-satyda turǵan aýstralııalyq Aıla Tomlıanovıchpen sheberlik baıqasady.
Álemniń burynǵy birinshi raketkasy, ataqty amerıkalyq Serena Ýılıams bastaǵan tennısshiler qatysatyn doda 16 tamyzda márege jetedi.
Bul koronavırýs indetine baılanysty oryn alǵan úzilisten keıin qazaqstandyq tennısshi qatysatyn birinshi jarys bolmaq. Ol ári bıyl 31 tamyzda bastalatyn AQSh-tyń ashyq chempıonatyna daıyndyq bolyp esepteledi.
