Tennıs: Pýtıntseva Adelaıda týrnıriniń shırek fınalyna shyǵa almady
NUR-SULTAN. QazAqparat – Qazaqstandyq, álemniń 28-raketkasy ıÝlııa Pýtıntseva Aýstralııada ótip jatqan Adelaıda týrnıriniń shırek fınalyna shyǵa almady, dep habarlaıdy QazAqparat tilshisi.
Osy dodanyń 7-raketkasy bolyp tirkelgen ıÝ.Pýtıntseva ekinshi aınalymda dúnıejúzilik reıtıngte 292-orynda turǵan aýstralııalyq Storm Senderspen kezdesti.
Negizgi týrnırge irikteý saıystarynan keıin qosylǵan aýstralııalyq tennısshi birinshi partııada 3:0 esebimen alǵa ketti. Esep 5:3 bolyp, S.Senders setke dop bergende, ıÝ.Pýtıntseva qaıyra breık jasaı aldy. Alaıda aýstralııalyq sportshy setti breıkpen bitirdi – 6:4.
Ekinshi partııada esep 5:5 bolǵan mezette qazaqstandyq tennısshi breık jasap, sosyn óz geımin de ala bildi – 7:5.
Úshinshi, sheshýshi sette S.Senders qos birdeı breıkpen alǵa ketti – 5:1. Aqyry ol óz múmkindigin jibergen joq – 6:1.
Tartysty ótken báseke 2 saǵat 20 mınýtqa sozyldy.
S.Senders jartylaı fınalǵa shyǵý úshin álemniń 12-inshi, osy jarystyń 2-raketkasy, shveıtsarııalyq Belınde Benchıchpen talasady. Ol ekinshi aınalymda japonııalyq Mısakı Doıdy 6:1, 6:3 esebimen ońaı utty.
Eske sala keteıik, budan buryn ıÝ.Pýtıntsevanyń Adelaıda týrnıriniń ekinshi aınalymyna shyqqanyn, Denıs Evseevtiń Nur-Sultan jarysynyń shırek fınalyna ótkenin jazǵan bolatynbyz.
