Tennıs: Pýtıntseva Adelaıda týrnıriniń ekinshi aınalymyna shyqty
NUR-SULTAN. QazAqparat – Qazaqstandyq, álemniń 28-raketkasy ıÝlııa Pýtıntseva Adelaıda (Aýstralııa) týrnıriniń ekinshi aınalymyna shyqty, dep habarlaıdy QazAqparat tilshisi.
Osy jarystyń 7-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 54-orynda turǵan germanııalyq Laýra Zıgemýndpen kezdesti.
Birinshi partııada ıÝ.Pýtıntseva breık jasap, jeńiske jete aldy – 6:4.
Ekinshi sette esep 2:1 bolǵan mezette qazaqstandyq tennısshi breıkke qol jetkizdi. Alaıda L.Zıgemýnd sol boıda qarymta qaıyryp, tarazy basyn teńestirdi – 3:3. Degenmen ıÝ.Pýtıntseva matchty taǵy bir breıkpen bitirdi – 6:4.
Birshama tartysty ótken báseke 1 saǵat 49 mınýtqa sozyldy.
ıÝlııa shırek fınalǵa shyǵý úshin reıtıngte 292-satydaǵy aýstralııalyq Storm Senderspen talasady. Ol bastapqy kezdesýinde otandasy, álemniń 74-raketkasy Aıla Tomlıanovıchti 6:1, 6:2 esebimen tize búktirdi.
Álemniń 1-raketkasy, aýstralııalyq Eshlı Bartı bastaǵan tennısshiler qatysyp jatqan doda 27 aqpanda márege jetedi. Jalpy júlde qory – 535 myń AQSh dollary. Ótken jyly osy týrnırde fınalda ýkraınalyq Daıana ıAstremskaıany utqan E.Bartı chempıon atanǵan bolatyn.
Eske sala keteıik, budan buryn M.Kýkýshkınniń Nur-Sultan týrnıriniń ekinshi aınalymyna shyǵa almaǵanyn jazǵan bolatynbyz.
