Tennıs: Pýtıntseva Ábý-Dabıde Aýstralııa chempıonyna jol berdi
NUR-SULTAN. QazAqparat – Qazaqstandyq ıÝlııa Pýtıntseva Ábý-Dabı WTA 500 týrnıriniń shırek fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 28-orynda turǵan qazaqstandyq tennısshi ekinshi aınalymda álemniń 4-inshi, osy dodanyń 1-raketkasy, Aýstralııa ashyq chempıonatynyń ótken jylǵy jeńimpazy, amerıkalyq Sofııa Kenınmen kúsh synasty.
Túbi máskeýlik S.Kenın 22-de bolsa, ıÝ.Pýtıntseva jýyrda 26-ǵa tolǵan edi.
Birinshi partııada esep 3:2 bolǵan mezette ıÝ.Pýtıntseva breık jasaı bildi – 4:2. Sosyn setke dop bergende, óz múmkindigin jibergen joq – 6:3.
Esesine ekinshi sette S.Kenın breıkpen jasap ketti – 3:1. Degenmen qazaqstandyq tennısshi tarazy basyn teńestirip qana qoımaı, ózi alǵa shyqty – 6:5. Sodan keıin matchqa dop bergende, utymdy sátti paıdalana almady – 6:6. Taı-breıkte amerıkalyq sportshynyń joly boldy – 7:6 (7:5).
Úshinshi, sheshýshi partııany Kenın breıkpen bastaǵanymen, ıÝlııa sol boıda ese qaıyrdy – 1:1. Esep 2:2 bolǵanda, Pýtıntseva dop bergende, 40:0-men alǵa ketkenimen, birte-birte kúsh alǵan AQSh tennısshisi taǵy bir breıkke qol jetkizdi. Taǵy bir breık – 5:2. Kenın matchqa dop bergende, Pýtıntseva esepti qysqartty. Alaıda Kenın úshinshi matchbolyn paıdalana aldy – 6:4.
Asa tartysty ótken báseke 2 saǵat 43 mınýtqa sozyldy.
S.Kenın jartylaı fınalǵa shyǵý úshin álemniń 22-raketkasy, grekııalyq Marııa Sakkarımen talasady. Ol úshinshi aınalymda reıtıngte 15-satydaǵy ıspanııalyq, kezinde Rolan Garros jáne Ýımbldon týrnırlerin utqan Garbıne Mýgýrýsany 7:5, 6:4 esebimen utty.
Eske sala keteıik, budan buryn Elena Rybakınanyń Ábý-Dabı týrnıriniń, Aleksandr Býblıktiń Antalııa jarysynyń shırek fınalyna shyqqanyn jazǵan bolatynbyz.
