Tennıs: Popko Aýstralııa chempıonatynyń negizgi týrnırine óte almady

NUR-SULTAN. QazAqparat - Qazaqstandyq Dmıtrıı Popko Aýstralııa ashyq chempıonatynyń negizgi týrnırine óte almady, dep habarlaıdy QazAqparat tilshisi.

Álemniń 184-raketkasy D.Popko irikteý saıystarynyń fınalynda reıtıngte 229-orynda turǵan frantsııalyq Ellıot Benshetrımen kezdesti.

Birinshi partııada frantsııalyq tennısshi 3:1 esebimen alǵa shyqqanymen, Popko tarazy basyn teńestirip qana qoımaı, ózine aýdara bildi - 6:4.

Ekinshi sette Benshetrı basymdylyǵyn saqtaı aldy - 6:2. Ol úshinshi, sheshýshi partııany da jeńispen támamdady - 6:3.

Báseke 2 saǵat 1 mınýtqa sozyldy.

Osylaısha D.Popko negizgi dodadan tys qaldy. Onda Qazaqstannan Aleksandr Býblık, Mıhaıl Kýkýshkın, áıelder arasynda Elena Rybakına, ıÝlııa Pýtıntseva jáne Zarına Dııas óner kórsetedi.

Eske sala keteıik, budan buryn D.Popkonyń irikteý saıystarynyń fınalyna shyqqanyn, E.Rybakınanyń Hobart týrnıriniń jeńimpazy atanǵanyn jazǵan bolatynbyz.