Tennıs: Parıjde Rolan Garros týrnıri bastalady

Eki aptaǵa sozylyp, 13 maýsymda márege jetetin Frantsııa ashyq chempıonatynda Qazaqstannan bes tennısshi óner kórsetedi.

Áıelder arasynda Qazaqstannyń birinshi, álemniń 22-inshi, osy «Úlken dýlyǵa» jarysynyń 21-raketkasy Elena Rybakına búgin týrnırge arnaıy shaqyrtý alǵan, reıtıngte 493-oryndaǵy frantsııalyq Elza Jakmomen kortqa shyǵady.

Erteń reıtıngte 43-satydaǵy ıÝlııa Pýtıntseva álemniń 26-ynshy, osy dodanyń 25-raketkasy bolyp tirkelgen Týnıs ókili Ons Jabermen kúsh synasady. Al reıtıngte 93-oryndaǵy Zarına Dııastyń qarsylasy – álemniń 71-raketkasy, ulybrıtanııalyq Hızer Ýotson.

Ótken jyly pandemııaǵa baılanysty keıinge shegerilip, kúzde ótkizilgen Rolan Garros jarysynda E.Rybakına ekinshi aınalymda frantsııalyq Fıona Ferro, ıÝ.Pýtıntseva argentınalyq N.Podoroskaǵa ese jibergen edi. Al Z.Dııas alǵashqy aınalymda O.Jaberden asa almaǵan bolatyn.

Erler arasyndaǵy osy synda reıtıngte 105-orynda turǵan qazaqstandyq Mıhaıl Kýkýshkın búgin álemniń 46-raketkasy, ıspanııalyq Alehandro Davıdovıch-Fokınamen sheberlik baıqasady.

Qazaqstannyń birinshi, álemniń 37-raketkasy Aleksandr Býblık 31 mamyr kúni jarys jolyna shyǵady. Onyń qarsylasy – álemniń 2-raketkasy, reseılik Danııl Medvedev.

Ótken jyly Frantsııa ashyq chempıonatynda A.Býblık bastapqy kezdesýinde kort ıesi Gael Monfısti utyp, sensatsııa jasaǵanymen, ekinshi aınalymda ıtalııalyq Lorentso Sonegodan jeńilip qaldy.

M.Kýkýshkın de ıtalııalyq Fabıo Fonınıdi tize búktirgenimen, ıspanııalyq Pedro Martınes-Porteroǵa ese jibergen bolatyn.

Bıyl qazaqstandyqtar sátti óner kórsetse, kóbirek tabys taýyp, reıtıngte de joǵarylaıdy.

Ótken jyly Frantsııa ashyq chempıonatynda áıelder arasynda 19 jastaǵy Polsha ókili Iga Shventek alǵash ret jeńimpaz atansa, ıspanııalyq Rafael Nadal Rolan Garros týrnırin 13-márte utqan edi.

Eske sala keteıik, budan buryn Jibek Qulambaevanyń Shymkent týrnıriniń fınalyna shyqqanyn jazǵan bolatynbyz.