Tennıs: Olımpıadalyq irikteýde 4 tennısshimiz joldamadan úmitti
ASTANA. 17 sáýir. QazAqparat - London Olımpıadasyna Qazaqstannyń atynan tórt tennısshi qatysýy múmkin. «Alaman» sport agenttiginiń málimetinshe, qazirdiń ózinde jekeleı synda Galına Voskoboeva, Mıhaıl Kýkýshkınniń joldama alýǵa múmkindigi mol.
Ksenııa Pervaktyń da joldamadan dámesi bar. Alaıda oǵan Reseı tarapy ruqsat berýi kerek. Al ıAroslava Shvedova juptyq básekede baq synaýǵa úmitti. Onyń juby Voskoboeva bolýy bek múmkin.
Halyqaralyq tennıs qaýymdastyǵy Londonǵa barar 208 tennısshiniń (104 er, 104 áıel) esimin maýsymnyń 11 kúni jarııalaıdy.
