Tennıs: Nur-Sultan 2 týrnıri qazaqstandyqtar úshin sátsiz ótip jatyr
NUR-SULTAN. QazAqparat – Elordada tennısten Forte Challenger 125 týrnıri qazaqstandyqtar úshin sátsiz ótýde, dep habarlaıdy QazAqparat tilshisi.
Álemniń 96-ynshy, osy dodanyń 3-raketkasy Mıhaıl Kýkýshkın dúnıejúzilik reıtıngte 179-orynda turǵan portýgalııalyq Frederıko Ferreıra Sılvamen kortqa shyqty.
Bul oıynda M.Kýkýshkın qarsylasyna 3:6, 5:7 esebimen ese jiberdi. Ol bir apta buryn da elordadaǵy osyndaı týrnırde alǵashqy aınalymnan asa almaǵan bolatyn.
Taǵy bir qazaqstandyq Denıs Evseev japonııalyq Tatsýma Itodan 4:6, 6:2, 3:6 esebimen utyldy.
Jeksenbi kúni tórt birdeı qazaqstandyq irikteý saıystarynda-aq joldan shyǵyp qaldy.
Erteń qazaqstandyqtar Tımofeı Skatov pen Dmıtrıı Popko ózara kezdesip, qaı jeńgeni ekinshi aınalymǵa shyǵady.
Sondaı-aq Aleksandr Nedovesov jarysqa irikteý saıystarynan keıin qosylǵan ýkraınalyq Vladıslav Manafovtyń shamasyn baıqap kóredi.
D.Evseev ózbekstandyq attasy Denıs Istomınmen birge juptyq synda osy dodanyń 1-raketkalary, amerıkalyqtar Djekson Ýızroý – Natanıel Lemmonspen sheberlik baıqasady.
Nur-Sultan 2 týrnıri 7 naýryzda márege jetedi.
Eske sala keteıik, budan buryn A.Býblıktiń reıtıngide 43-orynǵa kóterilgenin jazǵan bolatynbyz.
