Tennıs: Novak Djokovıch pen Rafael Nadal Nur-Sultanda óner kórsetedi
NUR-SULTAN. QazAqparat - 24 qazanda «Barys Arena» saraıynda álemge áıgili tennısshiler Novak Djokovıch pen Rafael Nadal arasyndaǵy match ótedi, dep habarlaıdy «SPORTINFORM» SAA tilshisi Qazaqstan tennıs federatsııasynyń resmı saıtyna silteme jasap.
Shara barysynda jınalǵan qarjy qaıyrymdylyqqa baǵyttalady. Qazirgi tańda bıletterdi onlaın satý bastaldy. Eń tómengi baǵa - 3 myń teńge, eń qymbaty - 100 myń.
Kásibı tennısshiler qaýymdastyǵynyń álemdik reıtınginde kósh bastap turǵan Novak Djokovıch pen Rafael Nadal ózara 54 resmı match ótkizgen.
Rafael Nadal buǵan deıin 2014 jyldyń qyrkúıeginde Qazaqstan astanasynda frantsýz Djo-Vılfred Ttsongqa qarsy demonstratsııalyq oıyn ótkizgen bolatyn.
Esterińizge sala keteıik, kóp fýnktsıonaldy «Barys Arena» saraıyna 11 626 kórermen syıady.
