Tennıs: Nedovesov juptyq synda Nur-Sultan týrnıriniń jartylaı fınalyna shyqty
NUR-SULTAN. QazAqparat – Qazaqstandyq Aleksandr Nedovesov serbııalyq Vıktor Troıtskımen birge juptyq synda elordada Forte Challenger 125 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasynyń baspasóz qyzmeti málim etkenindeı, jarystyń 3-raketkalary bolyp tirkelgen A.Nedovesov pen V.Troıtskı shırek fınalda taǵy bir qazaqstandyq Dmıtrıı Popko – grýzııalyq Aleksandr Metrevelımen kezdesýi kerek edi.
Týrnırdiń resmı ókiliniń málimetine qaraǵanda, A.Metrevelı jattyǵý kezinde bulshyq etin sozyp alǵan.
Osylaısha qazaqstandyq-serbııalyq jup oınamastan jartylaı fınalǵa joldama aldy. Olardyń jartylaı fınaldaǵy qarsylasy keıin anyqtalady.
Búgin sondaı-aq taǵy eki qazaqstandyq tennısshi juptyq synda kortqa shyǵady. Grıgorıı Lomakın ýkraınalyq Vladıslav Manafovpen birge kanadalyqtar Petr Polanskı men Braıden Shnýrmen sheberlik baıqasady. Al Tımofeı Skatov fın Otto Vırtanenmen birge osy dodanyń 1-raketkalary, amerıkalyqtar Djekson Ýızroý – Natanıel Lemmonspen kezdesedi.
Eske sala keteıik, budan buryn A.Býblıktiń Rotterdamda álemniń jetinshi raketkasyn utqanyn, T.Skatovtyń juptyq synda Nur-Sultan týrnıriniń shırek fınalyna shyqqanyn jazǵan bolatynbyz.
Aleksandr Býblık búgin Rotterdam ATP 500 týrnıriniń shırek fınalyna shyǵý úshin amerıkalyq Tommı Polmen talasady.
