Tennıs: Nedovesov juptyq synda Bratıslava týrnıriniń jartylaı fınalyna shyqty
NUR-SULTAN. QazAqparat - Qazaqstandyq Aleksandr Nedovesov juptyq synda Bratıslava (Slovakııa) chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi ýkraınalyq Denıs Molchanovpen birge shırek fınalda shveıtsarııalyq Lýka Margarolı - úndistandyq Shrırambala Naraıanasvamımen sheberlik baıqasty.
Birinsh partııada shveıtsarııalyq-úndistandyq jup 6:2 esebimen basym tústi.
Ekinshi sette A.Nedovesov pen D.Molchanov ese qaıyrdy - 7:5.
Qazaqstandyq-ýkraınalyq jup sýper taı-breıkte jeńisti julyp aldy - 10:8.
Tartysty báseke 1 saǵat 44 mınýtqa sozyldy.
Taǵy bir qazaqstandyq Dmıtrıı Popko mysyrlyq Mohamed Savfatpen birge juptyq synda Almaty chellendjer týrnıriniń jartylaı fınalyna óte almaı qaldy. Olar chılılik Tomas Barrıos - ıtalııalyq Rıkkardo Bonadıoǵa ese jiberdi.
Eske sala keteıik, budan buryn qazaqstandyq tennısshiniń Slovakııadaǵy týrnırdiń shırek fınalyna shyqqanyn jazǵan bolatynbyz.
Sondaı-aq búgin qazaqstandyq jup tuńǵysh ret Rolan Garros týrnıriniń fınalyna shyqty.
