Tennıs: Nedovesov Shymkent týrnıriniń jartylaı fınalyna óte almady

NUR-SULTAN. QazAqparat - Qazaqstandyq tennısshi Aleksandr Nedovesov Shymkent chellendjer týrnıriniń jartylaı fınalyna óte almady, dep habarlaıdy QazAqparat tilshisi.

Dúnıejúzilik reıtıngte 194-orynda turǵan A.Nedovesov shırek fınalda osy týrnırdiń úshinshi, álemniń 154-raketkasy, slovakııalyq Andreı Martınmen kezdesti.

Slovakııalyq sportshy birinshi sette 6:2 esebimen basymdylyq kórsetse, ekinshi partııada da esesin jibergen joq - 6:3.

Báseke 1 saǵat 13 mınýtqa sozyldy.

A.Martın fınalǵa shyǵý úshin ıspanııalyq Danıel Hımeno-Traver nemese chılılik Alehandro Tabılonyń bireýimen talasady

Osylaısha júlde qory 54 myń AQSh dollaryna baǵalanǵan Shymkent týrnırinde jekeleı de, juptyq synda da Qazaqstannan eshkim qalǵan joq.

Eske sala keteıik, budan buryn Elena Rybakınanyń Hertogenbos jarysynyń, al Aleksandr Nedovesovtiń Shymkent týrnıriniń shırek fınalyna shyqqanyn jazǵan bolatynbyz.