Tennıs: Nedovesov Shymkent týrnıriniń shırek fınalyna shyqty
Dúnıejúzilik reıtıngte 194-orynda turǵan A.Nedovesov úshinshi aınalymda álemniń 243-raketkasy, kanadalyq Stıven Dıaspen kúsh synasty.
Matchty kanadalyq sportshy qarqyndy bastap, birinshi sette aıqyn basymdylyq kórsetti - 6:1.
Degenmen qalǵan eki partııada qazaqstandyq tennısshi 6:3 esebimen jeńiske jetti.
Tartysty báseke 2 saǵat 4 mınýtqa sozyldy.
Jekeleı synda Qazaqstannan jalǵyz qalǵan A.Nedovesov jartylaı fınalǵa shyǵý úshin osy týrnırdiń úshinshi, álemniń 154-raketkasy, slovakııalyq Andreı Martın nemese reıtıngte 300-satydaǵy horvatııalyq Nıno Serdarýsıtstiń bireýimen talasady.
Júlde qory 54 myń AQSh dollary bolatyn Shymkent jarysy 16 maýsymda márege jetedi.
Eske sala keteıik, budan buryn A.Nedovesovtiń Shymkent týrnırin jeńispen bastaǵanyn, Zarına Dııastyń Manchester jarysynyń ekinshi aınalymyna shyqqanyn jazǵan bolatynbyz.