Tennıs: Nedovesov pen Golýbev Horvatııadaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyqtar Aleksandr Nedovesov pen Andreı Golýbev juptyq synda Horvatııadaǵy Splıt chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Osy dodanyń 1-raketkasy bolyp tirkelgen qazaqstandyq jup aldymen horvatııalyqtar Karlo Krolo – Lýka Mıkrýtty 6:1, 6:3 esebimen ońaı utty.
A.Nedovesov pen A.Golýbev shırek fınalda da qarsylas shaq keltirgen joq. Germanııalyq Dastın Braýn – shveıtsarııalyq Lýka Margorollıdi 6:2, 6:1 esebimen oısyrata jeńdi.
Qazaqstandyq jup júlde qory 45 myń eýroǵa baǵalanǵan jarystyń fınalyna shyǵý úshin chehııalyqtar Zdenek Kolar – Lýkash Rosolmen talasady.
Eske sala keteıik, budan buryn ıÝ.Pýtıntsevanyń Charlston týrnıriniń shırek fınalyna shyqqanyn, Rolan Garros jarysynyń bir aptaǵa keıin shegerilgenin jazǵan edik.
