Tennıs: Nedovesov pen Golýbev Horvatııadaǵy týrnırdiń jartylaı fınalyna ótti
NUR-SULTAN. QazAqparat – Qazaqstandyqtar Aleksandr Nedovesov pen Andreı Golýbev juptyq synda Horvatııadaǵy Splıt 2 chellendjer týrnıriniń jartylaı fınalyna ótti, dep habarlaıdy QazAqparat tilshisi.
Qazaqstandyq jup shırek fınalda chehııalyqtar Zdenek Kolar – Lýkash Rosolmen sheberlik baıqasty.
A.Nedovesov budan buryn Splıttegi dál osyndaı chellendjer jarysynyń jartylaı fınalynda qarsylastaryn tize búktirgen bolatyn.
Match bul joly da tartysty órbidi.
Birinshi partııada chehııalyq jup basymdylyq kórsetti – 6:3.
Ekinshi sette qazaqstandyqtar dál osyndaı eseppen qarymta qaıyra bildi.
Taı-breıkte Nedovesov pen Golýbev jeńiske jetti – 10:8.
Báseke 1 saǵat 19 mınýtqa sozyldy.
Qazaqstandyq jup fınalǵa shyǵý úshin Polsha ókilderi Shımon Valkov – ıAn Zelınskımen talasady. Qazaqstandyqtar budan buryn Splıtte osy juppen fınalda kezdesip, jeńiske jetken bolatyn.
Sh.Valkov – ıA.Zelınskı shırek fınalda horvatııalyqtar Dýje Aıdýkovıch – Fran Nınchevıchti 6:0, 6:4 esebimen utty.
Eske sala keteıik, budan buryn qazaqstandyq tennısshilerdiń Horvatııadaǵy týrnırdiń shırek fınalyna shyqqanyn jazǵan bolatynbyz.
