Tennıs: Nedovesov Antalııa týrnıriniń jartylaı fınalyna shyqty
NUR-SULTAN. QazAqparat – Qazaqstandyq Aleksandr Nedovesov ýkraınalyq Denıs Molchanovpen birge juptyq synda Antalııa 2 chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq-ýkraınalyq jup shırek fınalda venesýelalyq Davıd Lýıs Martınes – germanııalyq Danıel Altmaıermen kúsh synasty.
Osy dodanyń 3-raketkasy bolyp tirkelgen A.Nedovesov pen D.Molchanov 7:5, 6:3 esebimen jeńiske jetti.
Báseke 1 saǵat 22 mınýtqa sozyldy.
A.Nedovesov pen D.Molchanovtyń jartylaı fınaldaǵy qarsylasy keıin anyqtalady.
Jekeleı synda taǵy bir qazaqstandyq Dmıtrıı Popko argentınalyq Fakýndo Bagnıske 1:6, 2:6 esebimen ese jiberip, shırek fınalǵa shyǵa almady.
Bul – Antalııada chellendjer serııasynda ótip jatqan ekinshi týrnır. Budan buryn qazaqstandyq-ýkraınalyq jup osyndaı dodada jeńimpaz atanǵan bolatyn.
Eske sala keteıik, budan buryn Aýstralııa ashyq chempıonatynyń keıinge qaldyrylmaıtynyn jazǵan bolatynbyz.
