Tennıs: Nedovesov Almaty týrnıriniń jartylaı fınalyna óte almady
NUR-SULTAN. QazAqparat - Qazaqstandyq tennısshi, álemniń 189-raketkasy Aleksandr Nedovesov Almaty chellendjer týrnıriniń jartylaı fınalyna óte almady, dep habarlaıdy QazAqparat tilshisi.
Osy týrnırdiń 8-raketkasy bolyp tirkelgen A.Nedovesov álemdik reıtıngte 234-orynda turǵan argentınalyq Federıko Korıamen kúsh synasty.
Birinshi partııa taı-breıkke deıin jetip, onda Korıanyń joly boldy - 7:6 (7:4).
Ekinshi set te argentınalyq sportshynyń jeńisimen aıaqtaldy - 6:4.
Birshama tartysty órbigen báseke 1 saǵat 44 mınýtqa sozyldy.
F.Korıa fınalǵa shyǵý úshin germanııalyq ıAnnık Hanfmann nemese slovakııalyq Andreı Martınniń bireýimen talasady.
Osylaısha óz elimizde ótip jatqan, júlde qory 54 myń AQSh dollaryna baǵalanǵan Almaty týrnırinde jekeleı de, juptyq synda da Qazaqstannan eshkim qalǵan joq.
Eske sala keteıik, budan buryn A.Nedovesovtiń Almaty týrnıriniń shırek fınalyna shyǵyp, ıÝlııa Pýtıntsevanyń «Aı jańalyǵy» atalymy boıynsha úzdik úshtikke ilikkenin jazǵan bolatynbyz.
Al «Rolan Garros» týrnırinde 17 jasar sportshy chempıondy utyp ketti.
