Tennıs: Nedovesov Almaty týrnıriniń shırek fınalyna shyqty

Osy týrnırdiń 8-raketkasy bolyp tirkelgen A.Nedovesov úshinshi aınalymda dúnıejúzilik reıtıngte 214-orynda turǵan reseılik Evgenıı Karlovskıımen kúsh synasty. Matchty sátti bastaǵan qazaqstandyq tennısshi birinshi partııada aıqyn basymdylyq kórsetti - 6:2. Ekinshi sette A.Nedovesov birden breık jasap, alǵa shyqty - 2:0. Qazaqstandyq tennısshi kezdesýdi taǵy bir breıkpen túıindedi - 6:3.

Báseke 1 saǵat 26 mınýtqa sozyldy.

A.Nedovesov jartylaı fınalǵa shyǵý úshin álemniń 234-raketkasy, argentınalyq Federıko Korıamen talasady. F.Korıa búgin jarystyń ekinshi, álemniń 97-raketkasy, ózbekstandyq Denıs Istomındi 6:2, 7:5 esebimen tize búktirdi.

Juptyq synda qazaqstandyq Tımýr Habıbýlın ýkraınalyq Vladıslav Manafovpen birge shırek fınalǵa shyqty. Olar keshe reseılik Ivan Gahov pen amerıkalyq Evan Kıngti 6:3, 2:6, 10:5 esebimen utty. Qazaqstandyq-ýkraınalyq jup jartylaı fınalǵa shyǵý úshin búgin slovakııalyq Andreı Martın men chılılik Gans Podlıpnık-Kastılomen synǵa túsedi.

Basqa qazaqstandyq tennısshiler juptyq synda da kezdesýlerin sátsiz ótkizip, jarys jolynan shyǵyp qaldy.

Júlde qory 54 myń AQSh dollary bolatyn Almaty týrnıri 9 maýsym kúni támamdalady.

Áıelder arasynda reıtıngte 99-orynda turǵan Zarına Dııas Sýrbıton (Ulybrıtanııa) ITF týrnıriniń alǵashqy aınalymynda osy týrnırdiń ekinshi, álemniń 57-raketkasy, germanııalyq Tatıana Marııaǵa 3:6, 6:3, 3:6 esebimen ese jiberdi. Kógal tósenishinde ótip jatqan bul jarysty Ýımbldon týrnıri aldyndaǵy ázirlik dep te esepteýge bolady. «Úlken dýlyǵa» týrnıriniń biri - Ýımbldonda tabysty óner kórsetý úshin myqty daıyndyq kerek-aq. Bul jarystyń qatysýshylary qataryna Qazaqstannan Mıhaıl Kýkýshkın, Aleksandr Býblık, ıÝlııa Pýtıntseva jáne Zarına Dııas engizilgen.

Sol sekildi qazaqstandyqtar Anna Danılına Bol (Horvatııa), Elena Rybakına Torýn (Polsha) týrnırleriniń alǵashqy aınalymynan asa almady.

Eske sala keteıik, budan buryn A.Nedovesovtiń Almaty týrnırin jeńispen bastaǵanyn jazǵan bolatynbyz.