Tennıs: Nedovesov Almaty týrnırin jeńispen bastady
NUR-SULTAN. QazAqparat - Qazaqstandyq tennısshi Aleksandr Nedovesov Almaty chellendjer týrnırin jeńispen bastady, dep habarlaıdy QazAqparat tilshisi.
Jarysqa ekinshi aınalymnan qosylǵan álemniń 189-raketkasy A.Nedovesov dúnıejúzilik reıtıngte 323-orynda turǵan argentınalyq Andrea Kollarınımen kezdesti.
Týrnırdiń 8-raketkasy bolyp tirkelgen qazaqstandyq sportshy qarsylasyn 6:3, 6:1 esebimen tize búktirdi.
Báseke 1 saǵat 22 mınýtqa sozyldy.
Keshe dál osy A.Kollarını qazaqstandyq Tımofeı Skatovty utyp ketken bolatyn.
Andreı Golýbev te ıspanııalyq Nıkola Kýnnyń mysyn basa almady.
Búgin taǵy bir qazaqstandyq, dúnıejúzilik reıtıngte 308-orynda turǵan Denıs Evseev alǵashqy aınalymda álemniń 274-raketkasy, shveıtsarııalyq Mark-Andrea Hıýslerge tartysty matchta 3:6, 6:4, 4:6 esebimen ese jiberdi.
Osylaısha A.Nedovesov Qazaqstannan jekeleı synda Almaty týrnırinde jalǵyz qaldy. Ol shırek fınalǵa shyǵý úshin álemniń 214-raketkasy, reseılik Evgenıı Karlovskıı nemese reıtıngte 334-oryndaǵy horvatııalyq Ante Pavıchtiń bireýimen talasady.
Almaty týrnıri 9 maýsym kúni márege jetip, jeńimpaz anyqtalady.
Eske sala keteıik, budan buryn Almatyda erler arasynda chellendjer týrnıri bastalǵanyn, Mıhaıl Kýkýshkınniń juptyq synda «Rolan Garros» jarysynyń jartylaı fınalyna shyǵa almaǵanyn jazǵan bolatynbyz.
