Tennıs: Nadal «Rolan Garros» týrnıriniń 11 márte chempıony atandy
ASTANA. QazAqparat - Parıjde «Rolan Garros» týrnıriniń erler arasyndaǵy fınalynda álemniń birinshi raketkasy, ıspanııalyq Rafael Nadal men avstrııalyq Domınık Tım kúsh synasty, dep habarlaıdy «QazAqparat» tilshisi.
Osyǵan deıin 1986 jylǵy R.Nadal «Rolan Garros» týrnırin on márte utsa, 24 jasar D.Tım mundaı jarystyń fınalyna tuńǵysh ret shyqty. Qarsylastar ózara 9 ret kezdesse, sonyń altaýynda ıspanııalyq, úsheýinde ǵana avstrııalyq tennısshi jeńiske jetken edi.
Birinshi partııada R.Nadal breık jasap, 2:0 esebimen alǵa shyqqanymen, kóp uzamaı D.Tım tarazy basyn teńestirdi. Degenmen esep 5:4 bolyp turǵan kezde ıspanııalyq sportshy taǵy bir breık jasap, setti sátti aıaqtaı bildi.
Ekinshi setti de R.Nadal qarqyndy bastap, 3:0 esebimen alǵa ketti. Sodan keıin de basymdylyqty ýysynan shyǵarǵan joq - 6:3.
Úshinshi partııada D.Tım óz geımin áýpirimmen alyp, 1:0 esebimen alǵa shyqqanymen, odan soń sol qarqynyn jalǵastyra almady. R.Nadal bul sette de qarsylasyna esh múmkindik bermeı, 6:2 esebimen utty.
Match 2 saǵat 42 mınýtqa sozyldy.
Osylaısha Rafael Nadal «Rolan Garros» týrnırin 11 márte utty. Ol osy jeńisimen 2,2 mln dollar tabys tabýmen birge reıtıngtegi kóshbasshylyq ornyn da saqtap qaldy.
Bul - R.Nadaldyń «Úlken dýlyǵa» týrnırlerindegi 17-inshi jeńisi. Ol «Rolan Garrostan» basqa US Open týrnırin - 3, Ýımbldondy - 2, Australian Open jarysyn 1 ret utqan edi.
Eske sala keteıik, qazaqstandyqtardan erler arasyndaǵy jarysta Mıhaıl Kýkýshkın alǵashqy aınalymnan asa almaǵan bolatyn. Al áıelder arasynda Zarına Dııas ekinshi kezdesýinde qarsylasyna ese jiberse, ıÝlııa Pýtıntseva 2016 jylǵy «Rolan Garros» týrnırindegi úzdik nátıjesin qaıtalap, shırek fınalǵa deıin jetken edi.
Endi «Úlken dýlyǵa» týrnıriniń biri - Ýımbldon jarysyna daıyndyq kezeńi bastalady.
