Tennıs: Mıhaıl Kýkýshkınniń Madrıd týrnırindegi qarsylasy anyqtaldy
ASTANA. QazAqparat - Qazaqstandyq tennısshi Mıhaıl Kýkýshkınniń Madrıd týrnırindegi qarsylasy anyqtaldy, dep habarlaıdy QazAqparat tilshisi.
Dúnıejúzilik reıtıngte 96-ynshy orynda turǵan M.Kýkýshkın alǵashqy aınalymda álemniń 73-inshi raketkasy, ıspanııalyq Roberto Karbales Baenamen oınaıdy.
Eger ony jeńgen jaǵdaıda álemniń 8-inshi raketkasy, ońtústikafrıkalyq Kevın Andersonmen sheberlik baıqasady.
Bul aıtýly dodaǵa álemniń birinshi raketkasy, ıspanııalyq Rafael Nadal bastaǵan mańdaıaldy tennısshiler qatysýda.
Eske sala keteıik, keshe júlde qory 7,4 mln AQSh dollarynan asatyn Madrıd týrnırinde irikteý saıysynyń fınalynda M.Kýkýshkınniń álemniń 71-inshi raketkasy, serbııalyq Vıktor Troıtskıdi jeńip, negizgi jarysqa joldama alǵanyn, al áıelder arasynda Zarına Dııastyń alǵashqy aınalymda Pýerto-Rıko eliniń ókili Monıka Pýıgten jeńilip qalǵanyn jazǵan bolatynbyz.
