Tennıs: Mıhaıl Kýkýshkın Shanhaıdyń negizgi týrnırine joldama aldy
ASTANA. QazAqparat - Qazaqstannyń birinshi, álemniń 84-inshi raketkasy Mıhaıl Kýkýshkın Shanhaı týrnıri irikteý saıysynyń fınalynda ıtalııalyq Matteo Berrettınımen kezdesti, dep habarlaıdy QazAqparat tilshisi.
Álemdik reıtıngte ıtalııalyq tennısshi 58-inshi satyda turǵanyna qaramastan, M.Kýkýshkın match barysynda tarazy basyn ózine aýdara bildi.
Birinshi partııada qazaqstandyq tennısshi 7:5 esebimen jeńiske jetti.
Ekinshi sette esep 5:4 bolǵan mezette M.Kýkýshkın breık jasaı bildi. Sóıtip matchty sátti túıindedi - 6:4.
Kezdesý 1 saǵat 43 mınýtqa sozyldy.
Qazaqstandyq tennısshiniń Shanhaıdyń negizgi jarysyndaǵy alǵashqy qarsylasy keıin anyqtalady.
Júlde qory 7 mln AQSh dollarynan asatyn bul týrnır 14 qazan kúni márege jetedi.
Eske sala keteıik, budan buryn Zarına Dııastyń Gonkong týrnırinde baq synaıtynyn jazǵan bolatynbyz.
