Tennıs: Mıhaıl Kýkýshkın Melbýrn týrnırinde óner kórsetedi
NUR-SULTAN. QazAqparat – Qazaqstandyq Mıhaıl Kýkýshkın Melbýrn 2 ATR týrnırinde óner kórsetedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Melbýrn dodasy 31 qańtar – 6 aqpan aralyǵynda ótedi.
Qatysýshylar tizimine Sten Vavrınka, Grıgor Dımıtrov, Felıks Oje, Borna Chorıch, Kasper Rýýd sııaqty tanymal tennısshiler endi.
Bul 8 aqpanda bastalatyn Aýstralııa ashyq chempıonaty aldyndaǵy basty dodanyń biri bolmaq. Koronavırýs qaterine baılanysty Aýstralııa birinshiliginiń irikteý saıystary
qazirgi kezde áıelder arasynda Dýbaıda, erler arasynda Dohada ótýde.
Eske sala keteıik, budan buryn Aleksandr Býblıktiń Antalııa týrnıriniń fınalyna shyqqanyn jazǵan bolatynbyz.
A. Býblık búgin fınalda aýstralııalyq Aleks de Mınaýrmen bas júldeni sarapqa salady.
