Tennıs: Mıhaıl Kýkýshkın Melbýrn týrnırin jeńispen bastady
NUR-SULTAN. QazAqparat – Qazaqstandyq, álemniń 90-raketkasy Mıhaıl Kýkýshkın Melbýrndaǵy Murray River Open týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy kezdesýin álemniń 81-raketkasy, argentınalyq Hýan Ignasıo Londeromen ótkizdi.
Birinshi partııada H.Londero 6:4 esebimen basym tússe, ekinshisinde M.Kýkýshkın ese qaıyra aldy – 7:5.
Úshinshi, sheshýshi setti qazaqstandyq tennısshi qarqyndy bastap, 3:0 esebimen alǵa ketti. Aqyry ol matchty taǵy bir breıkpen túıindedi – 6:2.
Tartysty ótken báseke 2 saǵat 18 mınýtqa sozyldy.
M.Kýkýshkın ekinshi aınalymda álemniń 18-inshi, osy dodanyń 1-raketkasy, shveıtsarııalyq Stanıslas Vavrınkamen kúsh synasady.
Eske sala keteıik, budan buryn qazaqstandyq tennısshilerdiń Melbýrn týrnırindegi qarsylastary anyqtalǵanyn, Aleksandr Nedovesovtiń Antalııa jarysynyń jeńimpazy atanǵanyn jazǵan bolatynbyz.
