Tennıs: Mıhaıl Kýkýshkın Marselde tartysty matchta jeńilip qaldy
NUR-SULTAN. QazAqparat – Qazaqstandyq, álemniń 168-raketkasy Mıhaıl Kýkýshkın Marsel ATP 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Negizgi dodaǵa irikteý saıystarynan keıin qosylǵan M.Kýkýshkın birinshi aınalymda álemniń 109-raketkasy, frantsııalyq Per-ıÝg Erbermen kezdesti.
Birinshi partııa taǵdyry taı-breıkte sheshilip, frantsııalyq sportshynyń enshisinde ketti – 7:6 (7:5).
Ekinshi sette esep 6:5 bolǵan mezette kort ıesi taǵy bir breık jasap, matchty támamdady – 7:5. 1 saǵat 54 mınýtqa sozylǵan tartysy báseke barysynda M.Kýkýshkın 6 eıs jasap, 2 breık-poıntty túgel paıdalandy. Qarsylasy 8 eıs, 3 breıkke (8 breık-poınt) qol jetkizdi.
Osylaısha qazaqstandyq tennısshi júlde qory 545,2 myń eýroǵa baǵalanǵan týrnırde jarys jolynan shyǵyp qaldy.
Eske sala keteıik, budan buryn elordada tennısten áıelder arasynda iri halyqaralyq jarys ótetinin, Aleksandr Býblıktiń Doha týrnıriniń ekinshi aınalymyna shyqqanyn jazǵan bolatynbyz.
