Tennıs: Mıhaıl Kýkýshkın Marselde negizgi týrnırge joldama aldy
NUR-SULTAN. QazAqparat - Qazaqstandyq, álemniń 168-raketkasy Mıhaıl Kýkýshkın Marsel ATP 250 týrnırin sátti ótkizýde, dep habarlaıdy QazAqparat tilshisi.
Qazaqstandyq tennısshi irikteý saıystarynyń fınalynda dúnıejúzilik reıtıngte 191-orynda turǵan shveıtsarııalyq Mark-Andrea Hýslermen kezdesti.
Qazaqstandyq tennısshi 6:4, 6:4 esebimen jeńiske jetti.
M.Kýkýshkın 1 saǵat 33 mınýtqa sozylǵan matchta 2 eıs jasap, 5 breık-poınttyń ekeýin paıdalana bildi. Qarsylasy 9 eıs jasaǵanymen, breıkke qol jetkize qoıǵan joq.
Osylaısha M.Kýkýshkın Marsel ATP negizgi týrnırine joldama aldy.
Atalmysh doda 20 aqpan kúni márege jetedi.
Qazaqstannyń birinshi raketkasy Aleksandr Býblık Doha týrnırinde jekeleı jáne juptyq synda óner kórsetedi.
Eske sala keteıik, ıÝlııa Pýtıntsevanyń
Dýbaıda negizgi týrnırge shyǵa almaǵanyn jazǵan bolatynbyz.
