Tennıs: Mıhaıl Kýkýshkın Madrıd týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 96-ynshy raketkasy Mıhaıl Kýkýshkın Madrıd týrnıriniń ekinshi aınalymyna shyqty, dep habarlaıdy QazAqparat tilshisi.
Ol alǵashqy aınalymda álemniń 73-inshi raketkasy, ıspanııalyq Roberto Karbales Baenamen kúsh synasty.
Birinshi partııada-aq oıyn tizginin qolyna alǵan qazaqstandyq tennısshi qarsylasynan 6:3 esebimen basym tústi.
Ekinshi partııada M.Kýkýshkın 3:0 esebimen alǵa shyqqanymen, ıspanııalyq tennısshi de qarap qalmaı, breık jasady. Degenmen Mıhaıl úshinshi breık jasap, sosyn óz geımin de bermeı, esepti 5:1-ge jetkizdi. Budan keıin qarsylasy bir geım alǵanymen, qazaqstandyq tennısshi óz múmkindigin múlt jibergen joq. Esep - 6:2. Kezdesý 1 saǵat 8 mınýtqa sozyldy.
Júlde qory 7,4 mln AQSh dollarynan asatyn Madrıd týrnıriniń ekinshi aınalymynda Mıhaıl Kýkýshkın álemniń 8-inshi raketkasy, ońtústikafrıkalyq Kevın Andersonmen kezdesedi.
Aıta keteıik, búgin jańartylǵan dúnıejúzilik reıtıngte M.Kýkýshkın burynǵy 96-ornyn saqtap qaldy. Sol sekildi álemniń 54-inshi raketkasy Zarına Dııastyń reıtıngisi de ózgerissiz qaldy, al ıÝlııa Pýtıntseva bir satyǵa (85-inshi orynǵa) tómendedi.
Budan buryn M.Kýkýshkınniń Madrıdtiń negizgi týrnırine joldama alǵanyn, sosyn qarsylasy anyqtalǵanyn jazǵan bolatynbyz.
